ଭବାନୀପାଟଣା :ଧାନର କଟନି ଛଟନି ବନ୍ଦ ତଥା କପାର ଅଭାବୀ ବିକ୍ରୀ ରୋକିବା, ବର୍ଦ୍ଧିତ ବିଦ୍ୟୁତ୍ ଦର ପ୍ରତ୍ୟାହାର ଆଦି ଦାବିରେ ଆଜି ବିଜେପି କଳାହାଣ୍ଡି ବନ୍ଦ ଡାକରା ଦେଇଥିଲା। ଆଜି ସକାଳ ୬ଟା ସନ୍ଧ୍ୟା ୬ ଟା ଯାଏଁ ଭବାନିପାଟଣା ସହରର କଲେଜ୍ ଛକ, ଆଇଟିଆଇ ଛକ, ତାରିଣୀ ମନ୍ଦିର ଛକ, ହିଲ ଟାଉନ, ନକଟିଗୁଡ଼ା, ଅର୍କାବାହିଲି ପଡା ଛକ ପ୍ରଭୃତି ୮ ସ୍ଥାନରେ ବିଜେପି ନେତୃବର୍ଗ ରାସ୍ତାରୋକ କରିଥିଲେ। ଫଳରେ ଶହ ଶହ ସଂଖ୍ୟାରେ ଗାଡି ମୋଟର ଅଟକି ରହିଥିଲା। ସହରର ଦୋକାନ ବଜାର ମଧ୍ୟ ବନ୍ଦ ରହିଥିଲା। ଜିଲା ଦେଇ ଯାଇଥିବା ୨୬ ନମ୍ବର ଜାତୀୟ ରାଜପଥରେ ଗାଡ଼ି ମୋଟର ଚଲାଚଳ ବନ୍ଦ ରହିଥିଲା। ସହରର ବ୍ୟାଙ୍କ୍, ଶିକ୍ଷାନୁଷ୍ଠାନ, ଦୋକାନ ବଜାର ସମ୍ପୂର୍ଣ୍ଣ ବନ୍ଦ ରହିଥିଲା।
ବହୁ ସରକାରୀ ଅଫିସ କୁ ବିଜେପି ଆନ୍ଦୋଳନକାରୀ ମାନେ ବନ୍ଦ ରଖିଥିଲେ। ତେବେ ରେଲୱେ ଷ୍ଟେସନ ରାସ୍ତାରେ ଏକ ସରକାରୀ ଅଫିସ ବନ୍ଦ କରିବାକୁ ନେଇ ଜଣେ ଅଧିକାରୀ, ଆନ୍ଦୋଳନକାରୀଙ୍କୁ ଖରାପ ବ୍ୟବହାର କରିଥିବା ଅଭିଯୋଗ ହେଇଛି। ବନ୍ଦ ଯୋଗୁଁ ସାଧାରଣ ଜୀବନ ଯାତ୍ରା ପ୍ରଭାବିତ ହେଇଥିଲା। ଦଳର ଜିଲା ସଭାପତି ଆର୍ତ୍ତତ୍ରାଣ ମହାପାତ୍ର ଙ୍କ ନେତୃତ୍ୱ ରେ ରୋହିତ ଦୁର୍ଗା, ଶରତ ନାଏକ, ଭବେନ୍ଦ୍ର ପଣ୍ଡା, ବିଜୟଦେଵ ସାହୁ, କେଶବ ବିହାରୀଙ୍କ ସମେତ ବହୁ ନେତା, ନେତ୍ରୀ ବନ୍ଦ ପାଳନରେ ସାମିଲ ହୋଇଥିଲେ।
Comments are closed.