ଆମେରିକା :ହର୍ମୁଜରୁ ହଟିବ ଆମେରିକାର ବ୍ଲକେଡ୍। ଷ୍ଟ୍ରେଟ ଅଫ୍ ହର୍ମୁଜରୁ ଆମେରିକାର ବ୍ଲକେଡ୍ ହଟିବା ନେଇ ଟ୍ରମ୍ପଙ୍କ ବଡ଼ ସୂଚନା। ଟ୍ରମ୍ପ ଟ୍ରୁଥ୍ ସୋସିଆଲରେ ଏଭଳି ବଡ ଘୋଷଣା କରିଛନ୍ତି। କହିଛନ୍ତି ହର୍ମୁଜ ପ୍ରଣାଳୀରେ ଅଟକି ରହିଥିବା ସମସ୍ତ ଜାହାଜକୁ ବିନା ଟୋଲରେ ଛଡାଯିବ। ସେପଟେ ଇରାନ ଭବିଷ୍ୟତରେ କୌଣସି ପରମାଣୁ ଅସ୍ତ୍ର ନ ରଖିବା ନେଇ ସର୍ତ୍ତ ରଖିଥିବା ସୂଚନା ଦେଇଛନ୍ତି ଆମରିକା ରାଷ୍ଟ୍ରପତି।
ଏହାପରେ ସେ ଇରାନ ସହିତ ଶାନ୍ତି ଚୁକ୍ତି କରିବେ କି ନାହିଁ ସେ ନେଇ ଏକ “ଚୂଡ଼ାନ୍ତ” ନିଷ୍ପତ୍ତି ନେଉଛନ୍ତି। ଏହି ପୋଷ୍ଟରେ ଟ୍ରମ୍ପ କହିଛନ୍ତି ଯେ ଇରାନ ସେହି ଜଳପଥରୁ “ତୁରନ୍ତ ମାଇନ୍ସଗୁଡ଼ିକୁ ହଟାଇବା କାର୍ଯ୍ୟ ସମ୍ପୂର୍ଣ୍ଣ କରିବ” ଏବଂ ଇରାନର ବନ୍ଦରଗୁଡ଼ିକ ଉପରେ ଥିବା ଆମେରିକାର ନୌସେନା ଅବରୋଧକୁ “ଏବେ ହଟାଇ ଦିଆଯିବ”।
ଯାହାଫଳରେ ତେଲ ଏବଂ ଅନ୍ୟାନ୍ୟ ଟ୍ୟାଙ୍କରଗୁଡ଼ିକର ଯାତାୟାତ ଆରମ୍ଭ ହୋଇପାରିବ। ତେବେ, ଇରାନ ଏଥିରେ ସହମତ ହୋଇଛି କି ନାହିଁ କିମ୍ବା ଟ୍ରମ୍ପଙ୍କ ନିଷ୍ପତ୍ତି ପୂର୍ବରୁ ଆମେରିକାର ଅବରୋଧ ପ୍ରକୃତରେ ହଟାଇ ଦିଆଯାଇଛି କି ନାହିଁ, ତାହା ସ୍ପଷ୍ଟ ହୋଇନାହିଁ।
