ମାଲକାନଗିରି କେସିସି ବ୍ୟାଙ୍କରେ କୋଟିଏ ଟଙ୍କାର ଘୋଟାଲା

ମାଲକାନଗିରି ଲ୍ୟାମ୍ପସର ବ୍ରାଞ୍ଚ ଇନଚାର୍ଜ ୭୭ ଲକ୍ଷ ଟଙ୍କା କେସିସି ବ୍ୟାଙ୍କରେ ଟଙ୍କା ଜମା ନରଖି ମ୍ୟାନେଜରକୁ ହସ୍ତାନ୍ତର କରିଥିଲେ। ମ୍ୟାନେଜର ତାଙ୍କୁ ଏକ ଫେକ ରସିଦ ଧରାଇ ଦେଇଥିଲେ। ସେହିପରି ପୋଟେରୁ ଲ୍ୟାମ୍ପସ ଇନଚାର୍ଜ ପ୍ରଥମ ଥର ୮ ଲକ୍ଷ ୧୦ ହଜାର ଓ ପରେ ୨୧ ଲକ୍ଷ ୯୫ ହଜାର ଟଂକା କେସିସି ବ୍ୟାଙ୍କର ମ୍ୟାନେଜରକୁ ଦେଇଥିଲେ।

ଏହି ଦୁଇ ଲ୍ୟାମ୍ପସ୍ କେସିସି ବ୍ୟାଙ୍କର କ୍ୟାସିୟର ନିକଟରେ ପୈଠ ନକରି କାହିଁକି ମ୍ୟାନେଜରକୁ ଦେଲେ ତାକୁ ନେଇ ସନ୍ଦେହ ହେବା ସହ ମାର୍ଚ୍ଚ ମାସର କ୍ଲୋଜିଂ ବେଳେ ମେଳ ଖାଇନଥିଲା। ଏନେଇ ଡିଆରସିଏସ କାର୍ଯ୍ୟାଳୟ ପକ୍ଷରୁ ଖୋଳତାଡ ଆରମ୍ଭ ହୋଇଥିଲା। କେସିସି ବ୍ୟାଙ୍କର ମ୍ୟାନେଜର ଏହି ଟଂକାକୁ ବିଭିନ୍ନ ଦିଗରେ ଖର୍ଚ୍ଚ କରିଦେଇଥିବା ଜଣାପଡିଥିଲା। ତୁରନ୍ତ ଏନେଇ ଉଚ୍ଚସ୍ତରୀୟ ତଦନ୍ତ ହେବା ପରେ ତୁରନ୍ତ ବ୍ୟାଙ୍କର ମ୍ୟାନେଜର ଶୁଭେନ୍ଦୁ ଖରାଙ୍କୁ ନିଳମ୍ବିତ କରାଯାଇଥିବା ଡିଆରସିଏସ କହିଛନ୍ତି।