ନୂଆଦିଲ୍ଲୀ: ଯ୍ରେନରେ ଯାତ୍ରା କରୁଥିବା ଲୋକଙ୍କ ପାଇଁ ଆସିଲା ବଡ଼ ଖବର । ସରକାର ଏବେ ଯାତ୍ରୀଙ୍କ ପାଇଁ ବଡ଼ ପଦକ୍ଷେପ ନେବାକୁ ଯାଉଛନ୍ତି । କରୋନା କାଳରେ ରେଳୱେ ଅନେକ କିଛି ପରିବର୍ତ୍ତନ କରିଥିଲା । ଏବେ ଟ୍ରେନରେ କରୋନା କାଳ ପୂର୍ବରୁ ଯାତ୍ରୀଙ୍କୁ ମିଳୁଥିବା ଅନେକ ରିହାତିକୁ ଛାଡ଼ କରାଯାଇ ନାହିଁ, ଯାହାଫଳରେ ଟ୍ରେନରେ ଯାତ୍ରା କରୁଥିବା ଯାତ୍ରୀଙ୍କ ସଂଖ୍ୟା ହ୍ରାସ ପାଇବାରେ ଲାଗିଛି ।
ପ୍ରିମିୟମ ଟ୍ରେନର ଭଡା କମିବ!
ଏବେ ଯାତ୍ରୀଙ୍କୁ ଲୋଭ ଦେଖାଇ ରାଜଧାନୀ, ଶତାବ୍ଦୀ ଓ ଦୁରୋନ୍ତୋ ଭଳି ପ୍ରିମିୟମ ଟ୍ରେନରେ ଡାଇନାମିକ୍ ଭଡ଼ାକୁ ଶେଷ କରିବାକୁ ରେଲୱେ ବିଚାର କରୁଛି । ତେବେ ଲୋକସଭାରେ ଏକ ପ୍ରଶ୍ନର ଉତ୍ତରରେ ରେଳ ମନ୍ତ୍ରୀ ଏହାର ସୂଚନା ଦେଇଛନ୍ତି । ଲୋକସଭାରେ ଏକ ପ୍ରଶ୍ନ ପଚରାଯାଇଥିଲା ଯେ, ନକାରାତ୍ମକ ପ୍ରତିକ୍ରିୟା ଏବଂ ଯାତ୍ରୀଙ୍କ ସଂଖ୍ୟା ହ୍ରାସକୁ ଦୃଷ୍ଟିରେ ରଖି ସରକାର ଗତିଶୀଳ ଭଡା ବ୍ୟବସ୍ଥା ପ୍ରତ୍ୟାହାର କରିବାକୁ ଚିନ୍ତା କରୁଛନ୍ତି କି? ଏହାର ଜବାବରେ ରେଳ ମନ୍ତ୍ରୀ ଅଶ୍ୱିନୀ ବୈଷ୍ଣବ କହିଥିଲେ ଯେ, ବର୍ତ୍ତମାନ ସରକାରଙ୍କ ଫ୍ଲେକ୍ସି ଭଡା ନୀତି ପ୍ରତ୍ୟାହାର କରିବାର କୌଣସି ଯୋଜନା ନାହିଁ ।
ରେଳ ମନ୍ତ୍ରୀ କହିଛନ୍ତି ଯେ, ‘ରେଳବାଇ ଡାଇନାମିକ୍ ଭଡା ସିଷ୍ଟମରେ ଚାହିଦା ଅନୁଯାୟୀ ଭଡା ସ୍ଥିର କରାଯାଇଥାଏ । ଏହା ଅଧୀନରେ ୧୦ ପ୍ରତିଶତ ସିଟ୍ ବୁକିଂ ହେବା ସହିତ ଭଡା ୧୦% ବୃଦ୍ଧି ପାଇଥାଏ । ଆସନ ସଂଖ୍ୟା ହ୍ରାସ ହେବା ସହିତ ଭଡା ବଢ଼ିଥାଏ । ତଥାପି, ଏହା ସମସ୍ତ ପ୍ରକାର ଟ୍ରେନରେ ଲାଗୁ ହୋଇନଥାଏ । ଏହି ବ୍ୟବସ୍ଥା ୯ ସେପ୍ଟେମ୍ବର ୨୦୧୬ ରେ ରାଜଧାନୀ, ଶତାବ୍ଦୀ ଓ ଦୁରୋନ୍ତୋ ଭଳି ଟ୍ରେନରେ କାର୍ଯ୍ୟକାରୀ କରାଯାଇଥିଲା । କିନ୍ତୁ ବର୍ତ୍ତମାନ ଅନେକ ମାର୍ଗରେ ରେଳ ଭଡା ବିମାନ ଅପେକ୍ଷା ମହଙ୍ଗା ହୋଇଛି । ଏହି କାରଣରୁ ଉଭୟ ସମୟ ଏବଂ ଅର୍ଥରେ ସମାନ ଖର୍ଚ୍ଚ ହେଉଥିବାରୁ ଲୋକମାନେ ବିମାନ ଯୋଗେ ଯାତ୍ରା କରୁଛନ୍ତିି, ଯେଉଁଥିପାଇଁ ରେଳ ଯାତ୍ରୀଙ୍କ ସଂଖ୍ୟା ହ୍ରାସ ପାଇଛି।’
Comments are closed.