ଯୋଧପୁର ବିମାନବନ୍ଦରର ନୂଆ ଟର୍ମିନାଲକୁ ଉଦଘାଟନ କଲେ ପ୍ରଧାନମନ୍ତ୍ରୀ

ରାଜସ୍ଥାନ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ରାଜସ୍ଥାନର ଯୋଧପୁର ବିମାନବନ୍ଦରର ନୂତନ ଟର୍ମିନାଲ କୋଠାର ଉଦଘାଟନ କରିଛନ୍ତି। ଏହି ପ୍ରକଳ୍ପଟି ମୋଟ 480 କୋଟି ଟଙ୍କା ବ୍ୟୟରେ ନିର୍ମାଣ କରାଯାଇଛି। 23 ହଜାର ବର୍ଗ ମିଟରରୁ ଅଧିକ ସ୍ଥାନରେ ଏହାର ନିର୍ମାଣ ହୋଇଛି। ଏହି ନୂତନ ଟର୍ମିନାଲ କୋଠାଟି ବର୍ଷକୁ 20 ଲକ୍ଷ ଯାତ୍ରୀଙ୍କୁ ପରିଚାଳନା କରିବା ପାଇଁ ଡିଜାଇନ୍ କରାଯାଇଛି।

ଏହି ଟର୍ମିନାଲରେ ଯାତ୍ରୀମାନଙ୍କ ପାଇଁ ପର୍ଯ୍ୟାପ୍ତ ଆଧୁନିକ ସେବା ବ୍ୟବସ୍ଥା କରାଯାଇଛି। ଏଥିସହିତ ରାଜସ୍ଥାନର  ଡିଜାଇନ୍ ସହିତ ତୋରଣ ଏବଂ ଝରୋଖା ଭଳି ପାରମ୍ପରିକ କଳାକୁ ଏଥିରେ ସ୍ଥାନିତ କରାଯାଇଛି। ଯୋଧପୁର ବିମାନବନ୍ଦରରେ ନୂତନ ଟର୍ମିନାଲ କୋଠାର ଉଦଘାଟନ ଏହି ଅଞ୍ଚଳରେ ପର୍ଯ୍ୟଟନ, ବାଣିଜ୍ୟ ଏବଂ ନିଯୁକ୍ତି ସୃଷ୍ଟିକୁ ଏକ ଗୁରୁତ୍ୱପୂର୍ଣ୍ଣ ପ୍ରୋତ୍ସାହନ ପ୍ରଦାନ କରିବ।

ବିମାନ ଚଳାଚଳ କ୍ଷେତ୍ରକୁ ଏକ ପ୍ରମୁଖ ପ୍ରୋତ୍ସାହନ ସ୍ୱରୂପ, ଆଞ୍ଚଳିକ ସଂଯୋଗୀକରଣ ଉପରେ ବିଶେଷ ଧ୍ୟାନ ଦେଇ, ଶ୍ରୀ ମୋଦୀ ଯୋଧପୁରରେ ସଂଶୋଧିତ UDAN ଯୋଜନା ମଧ୍ୟ ଆରମ୍ଭ କରିଛନ୍ତି। ଏହା ଦେଶର ବେସାମରିକ ବିମାନ ଚଳାଚଳ କ୍ଷେତ୍ରରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ଏବଂ ଉଡେ ଦେଶ କା ଆମ ନାଗରିକଙ୍କ ଦୃଷ୍ଟିକୋଣକୁ ଆହୁରି ମଜବୁତ କରିବ। ଆଗାମୀ ଦଶ ବର୍ଷ ମଧ୍ୟରେ 28 ହଜାର 840 କୋଟି ଟଙ୍କା ବ୍ୟୟ ଅଟକଳ ରଖାଯାଇଛି।