ସିସୋଡିଆଙ୍କ ପରେ ଗୋପାଲ ରାୟଙ୍କ ସହ ୧୨ ଏଏପି ବିଧାୟକ ଗିରଫ

ତେବେ ପଚରାଉଚରା ବେଳେ ସିସୋଡିଆ ସିବିଆଇର ପ୍ରଶ୍ନର ସଠିକ ଉତ୍ତର ଦେଇପାରି ନ ଥିଲେ। ସିସୋଡିଆ ଗିରଫ ହେବା ପରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲ ଏବଂ ପଞ୍ଜାବ ମୁଖ୍ୟମନ୍ତ୍ରୀ ଭଗବନ୍ତ ସିଂ ମାନମନ ତାଙ୍କ ପରିବାର ସଦସ୍ୟଙ୍କୁ ଭେଟିବାକୁ ଯାଇ ସେଠାରେ ଭାଜପା ବିରୋଧରେ ଅନେକ ଅଭିଯୋଗ କରିଥିଲେ। ଆମ ଆଦମୀ ଦଳର ନେତାମାନେ ଆଜି ସାରା ଦେଶରେ ବିରୋଧ କରିବେ। ଏହା ବ୍ୟତୀତ ଆମ ଆଦମୀ ଦଳର ନେତାମାନେ ଭାଜପା କାର୍ଯ୍ୟାଳୟକୁ ଘେରି ରହିବାକୁ ଯୋଜନା କରିଛନ୍ତି।

ସୁରକ୍ଷା ଦୃଷ୍ଟିରୁ ଏଏପି କାର୍ଯ୍ୟାଳୟ ବାହାରେ ସୁରକ୍ଷାକର୍ମୀଙ୍କୁ ମୁତୟନ କରାଯାଇଛି। ଗଣମାଧ୍ୟମ ସମ୍ମିଳନୀରେ ଆମ ଆଦମୀ ପାର୍ଟିର ବିଧାୟକ ସୌରଭ ଭରଦ୍ୱାଜ ଦାବି କରିଛନ୍ତି ଯେ ଦଳର ୮୦ ପ୍ରତିଶତ ନେତାଙ୍କୁ ଗିରଫ କରାଯାଇଛି। ସେ କହିଛନ୍ତି ଯେ ସିସୋଡିଆଙ୍କ ପରେ ଗୋପାଳ ରାୟଙ୍କ ସମେତ ୧୨ରୁ ଅଧିକ ଆମ ଆଦମୀ ପାର୍ଟି ବିଧାୟକଙ୍କୁ ଗିରଫ କରାଯାଇଛି। ସଂଗଠନର ପ୍ରତ୍ୟେକ ଗୁରୁତ୍ୱପୂର୍ଣ୍ଣ ବ୍ୟକ୍ତିଙ୍କୁ କେନ୍ଦ୍ର ସରକାର ଜେଲକୁ ପଠାଇବାର ଯୋଜନା କରିଛନ୍ତି। ୨୪ ଘଣ୍ଟା ବିତିଗଲାଣି, କିନ୍ତୁ କେଉଁ କାରଣରୁ ନେତାମାନଙ୍କୁ ଗିରଫ କରାଯାଇଛି ତାହା ଆମକୁ ଜଣାଯାଇ ନାହିଁ ।