ଆନ୍ଧ୍ର ବିଏଡ୍ ସାର୍ଟିଫିକେଟ୍ ଦେବାକୁ କହି ଠକେଇ। ଲକ୍ଷାଧିକ ଟଙ୍କା ଚୂନ ଲଗାଇଥିବା ଅଭିଯୋଗ।

ବ୍ରଜରାଜନଗର, ଲଇକେରା, ବେଲପାହାଡ଼ ଓ ଲଖନପୁର ସହ ଅନ୍ୟ କିଛି ସ୍ଥାନରୁ ମଧ୍ୟ ଅଭିଯୋଗ ଆସିଛି। ସାରା ପଶ୍ଚିମ ଓଡ଼ିଶାରେ ଏନେଇ ଜାଲ୍ ବିଛା ଯାଇଥିଲା। ସମ୍ବଲପୁର ବୁର୍ଲା ଥାନା ନିକଟରେ ଅଫିସ୍ ଖୋଲି ଠକେଇ ଜାଲ ବୁଣିଥିବା ଅଭିଯୁକ୍ତ ଚିତ୍ତରଞ୍ଜନ ବାରିକ ଏବଂ ରୀମା ଦାସ ଗିରଫ ହେବା ପରେ ଏହାର ପର୍ଦ୍ଦାଫାସ୍ ହେଉଛି।

ଚିତ୍ତରଞ୍ଜନ ଏବଂ ରୀମା ବୁର୍ଲାରେ ‘ୱାନ ୱାର୍ଲଡ ଏକାଡେମୀ’ ନାମକ ସଂସ୍ଥା ଖୋଲିଥିଲେ। ଆନ୍ଧ୍ରପ୍ରଦେଶର ଆଚାର୍ଯ୍ୟ ନାଗାର୍ଜୁନ ବିଶ୍ୱବିଦ୍ୟାଳୟରୁ ବିଏଡ୍ ସାର୍ଟିଫିକେଟ କରାଇ ଦେବା ନେଇ ବିଜ୍ଞାପନ ଦେଇଥିଲେ। ହେଲେ ବାରମ୍ବାର ଅର୍ଥ ହାତେଇ ନେଇ ସାର୍ଟିଫିକେଟ ନ ଦେଇ ଆଶାୟୀଙ୍କୁ ଭୁଆଁ ବୁଲାଇ ଠକି ଚାଲିଥିଲେ।