ବନ୍ଦନା କରେ ପ୍ରଭାତେ

ବନ୍ଦନା କରେ ପ୍ରଭାତେ
=============
ନମସ୍ତେ ନମସ୍ତେ ଦେବ ସୂର୍ଯ୍ୟ ନାରାୟଣ l
ସଉର୍ଯ୍ୟରେ ସଂଗତରେ କେହେବ ସମାନ ll
ନମସ୍ତେ ନମସ୍ତେ ଦେବ କଶ୍ୟପଙ୍କ ସୂତ l
ତଵ ଆଗମନେ ହୁଏ ବିଶ୍ୱ ଉଦ୍ଭାସିତ ll
ନମସ୍ତେ ନମସ୍ତେ ଦେବ ସପ୍ତାଶ୍ୱ ବାହନ l
ହରିଦାଶ୍ଵ ରଥେ ତବ ସାରଥୀ ଅରୁଣ ll
ନମସ୍ତେ ନମସ୍ତେ ଦେବ ଆହେ ବିବସ୍ଵାନ l
ଫଳମଣି ଉଡ଼ି ଗଲେ ବୀର ହନୁମାନ ll
ନମସ୍ତେ ନମସ୍ତେ ପ୍ରଭୁ ସଂଜ୍ଞା ଛାୟା ପତି l
ସଂଜ୍ଞା,ଛାୟା ହେଲେ ତୁମ୍ଭ ଛାୟାରୁ ଉତ୍ପତ୍ତି ll
ତୁମ୍ଭ କନ୍ୟା ତେଜୋମୟୀ ବର ନମିଳିଲା l
ମର୍ତ୍ତ୍ୟରେ ତପତି ଆସି ସମ୍ବରେ ବରିଲା ll
ତାଙ୍କ ଗର୍ଭୁ ମହାରାଜ କୁରୁ ଜନମିଲେ l
କୁରୁକୂଳ ମର୍ତ୍ତ୍ୟପୁରେ ତାପତ୍ୟ ହୋଇଲେ ll
ବୈବସ୍ୱତ ମନୁ ତୁମ୍ଭ ବଂଶେ ମହୀପତି l
ସୂର୍ଯ୍ୟବଂଶ ଥାପି ରାଜା ରଖିଲେ କୀରତି ll
ନମସ୍ତେ ନମସ୍ତେ ଦେବ ଆହେ ଦିବାକର l
ତୁମ୍ଭେ ପ୍ରଭୋ ଏ ସକଳ ସୃଷ୍ଟିର ଆଧାର ll
ନମସ୍ତେ ନମସ୍ତେ ଦେବ ଆହେ ଗ୍ରହରାଜ l
ତୁମ୍ଭ ମନ୍ଦିର କୋଣାର୍କ ଅପୁର୍ବ ଭାସ୍କର୍ଯ୍ୟ ll
ନମସ୍ତେ ନମସ୍ତେ ଦେବ ପଦ୍ମିନୀ ରମଣ l
ସରୋବରେ ଫୁଟିଲେଣି ଦେଖି ଅବ୍ଜଗଣ ll
ନମସ୍ତେ ନମସ୍ତେ ଦେବ ଆହେ ଦିନନାଥ l
ଆଗମନେ ହୋଇ ଅଛି ସୁନ୍ଦର ପ୍ରଭାତ ll
ବନ୍ଦନାକରେ ପ୍ରଭାତେ ଆହେ ବିଶ୍ଵଦେବ l
ଅଜ୍ଞାନ ତିମିର ନାଶି ହୃଦେ ବିରାଜିବ ll
🙏🙏🙏
ଅର୍ଜ୍ଜୁନୀ
————-
ଅର୍ଜୁନୀ ଚରଣ ବେହେରା
ମୋ -୭୬୯୩୦୯୧୯୭୧