ମାନବାଧିକାର ସୁରକ୍ଷା ପରିଷଦ ଦ୍ୱାରା “ଓଡ଼ିଶା ଗୌରବ ସମ୍ମାନ”ରେ ସମ୍ମାନୀତ ହେଲେ ପ୍ରଦୀପ କୁମାର ଦାସ ।

ଗଜପତି (ମନୋଜ ପାଢ଼ୀ)- : ଗଜପତି ଜିଲ୍ଲା ସଦରମହକୁମାସ୍ଥିତ ଗ୍ରାମୀଣ ଆତ୍ମନିଯୁକ୍ତି ପ୍ରଶିକ୍ଷଣ ଅନୁଷ୍ଠାନ-ଗଜପତି,ପାରଳାଖେମୁଣ୍ଡିର ପ୍ରାଧ୍ୟାପକ ତଥା ଶିକ୍ଷା ସଂଯୋଜକ ରୂପେ କାର୍ଯ୍ୟରତ ଶ୍ରୀ ପ୍ରଦୀପ କୁମାର ଦାସ ମାନବାଧିକାର ସୁରକ୍ଷା ପରିଷଦ ଦ୍ବାରା “ଓଡ଼ିଶା ଗୌରବ ସମ୍ମାନ”ରେ ସମ୍ମାନୀତ ହୋଇଛନ୍ତି। ଭୁବନେଶ୍ୱରର ହୋଟେଲ ମେଫେୟାର ଲାଗୁନରେ ଆୟୋଜିତ “ଓଡ଼ିଶା ଗୌରବ ସମ୍ମାନ ପୁରସ୍କାର-୨୦୨୬”ରେ ତାଙ୍କୁ ସମ୍ମାନୀତ କରାଯାଇଥିଲା। ସେ ଏହି ସମ୍ମାନ ପାଇଥିବାରୁ ଆୟୋଜକ ଏବଂ ଭାରତ ସରକାରଙ୍କ ଦ୍ୱାରା ଅନୁମୋଦିତ ମାନବାଧିକାର ସୁରକ୍ଷା ପରିଷଦକୁ ନିଜର କୃତଜ୍ଞତା ଜ୍ଞାପନ କରିଛନ୍ତି । ଦକ୍ଷତା ବିକାଶ ଏବଂ ଶିକ୍ଷା କ୍ଷେତ୍ରରେ ତଥା ଅନ୍ୟାନ୍ୟ ସୁକାର୍ଯ୍ୟରତ ମହାନ ବ୍ୟକ୍ତିତ୍ୱ ରଖିଥିବା ବିଭିନ୍ନ କ୍ଷେତ୍ରରୁ ଅନେକ ପ୍ରେରଣାଦାୟକ ବ୍ୟକ୍ତିତ୍ୱଙ୍କ ସହିତ ଏତେ ପ୍ରତିଭାବାନ ଏବଂ ଯୋଗ୍ୟ ବ୍ୟକ୍ତିଙ୍କ ମଧ୍ୟରେ ମନୋନୀତ ହେବା, ତାଙ୍କ ପାଇଁ ଏହା ଆହୁରି ସ୍ୱତନ୍ତ୍ର ଏବଂ ଅଭିଭୂତ କରିଥିବା ପ୍ରକାଶ କରିଛନ୍ତି। ସେ ଜଣେ ସମାଜସେବୀ ଓ ପ୍ରାଧ୍ୟାପକ, ଦକ୍ଷତା ବିକାଶ ଏବଂ ଧନ୍ଦାମୂଳକ ତାଲିମ ଦାତା, ଉଦ୍ୟୋଗୀ ପଦୋନ୍ନତି ଭାବରେ, ଏହି ମାନ୍ୟତା କେବଳ ଏକ ପୁରସ୍କାର ନୁହେଁ ଏହା ମୋତେ ଆଗକୁ ବଢ଼ିବାରେ ପ୍ରେରଣା ଯୋଗାଇବ ବୋଲି ସେ ପ୍ରକାଶ କରିଛନ୍ତି। ଏହା ମୋତେ ଆହୁରି କଠିନ ପରିଶ୍ରମ କରିବାକୁ ଏବଂ ମୋର ଆଗ୍ରହ, ବୃତ୍ତି ଏବଂ ଦାୟିତ୍ୱ ମାଧ୍ୟମରେ ସମାଜ ପ୍ରତି ସକାରାତ୍ମକ ଅବଦାନ ଜାରି ରଖିବାକୁ ପ୍ରେରଣା ଦେବ ବୋଲି ସେ ପ୍ରକାଶ କରିଛନ୍ତି।ଏଥି ସହିତ ସେ ହାତ ଯୋଡି ଜଗନ୍ନାଥଙ୍କ ହାତ ଯୋଡ଼ି ପ୍ରାର୍ଥନା କରିବା ସହ ତାଙ୍କୁ ଏହି କ୍ଷେତ୍ରରେ ସହଯୋଗ କରିଥିବା ପରିବାରବର୍ଗ, ନିର୍ଦ୍ଦେଶକ, ସହକର୍ମୀ, କାର୍ଯ୍ୟାଳୟ କର୍ମଚାରୀ,ଜିଲ୍ଲା ପ୍ରଶାସନ ଅଧିକାରୀ,ଗଜପତି ଏବଂ ଗଜପତି ଜିଲ୍ଲାର ଜନସାଧାରଣଙ୍କୁ କୃତଜ୍ଞତା ଜ୍ଞାପନ କରିଛନ୍ତି।