ରାଧାରମଣ

ରାଧାରମଣ ହେ ମୁରଲୀ ପାଣି l
ରାଧାରାଣୀ ନେତ୍ରୁ ବୁହଇ ପାଣି ll
ମଣି ବିମାନେ ଶ୍ରୀରାଧାଗୋବିନ୍ଦ l
ଢ଼ଳି ଢ଼ଳି ଚାଲି ଭକ୍ତେ ଆନନ୍ଦ ll
ଭକ୍ତ ଗଣ ସଙ୍ଗେ ଆନନ୍ଦେ ବୁଲି l
ଚାଚେରୀ ଚାଖନ୍ତି ଖେଳନ୍ତି ହୋଲି ll
ବନ ଫୁଲେ ଶୋଭା ଶ୍ରୀବନମାଳି l
ଶିରେ ବନ୍ଧା ଜାମୁ କଦମ୍ବ ଡାଳି ll
ହସ୍ତେ ଆମ୍ବ କଷି ଦିଶନ୍ତି ଶୋଭା l
ଶ୍ରୀରାଧାଙ୍କ ଜୁଡ଼ା ମଲ୍ଲିକା ଗଭା ll
ରଙ୍ଗ ପିଚକାରୀ କୃଷ୍ଣଙ୍କ ହସ୍ତେ l
ଅବିର ଵର୍ଷଣେ ନାଚନ୍ତି ଭକ୍ତେ ll
ମଧୁରେ ବାଜଇ ଚତୁରେ ବଂଶୀ l
ବ୍ରଜନାରୀ ରହିଲେ ହୋଇ ସଂସି ll
ମନେପଡ଼େ ଆମ୍ବଖାଇ ମେଳଣ l
ଅଇଁଠା ଖିଆର ସେ ଅପମାନ ll
ବକ୍ର ଗ୍ରୀବା ତୁମ୍ଭ ହେ ଚକ୍ରଧର l
ବକ୍ରେ ଚାହିଁଦେଲ ବକ୍ର ନେତର ll
ଵିତନା ସେ ଗ୍ରାମ ହୋଇଲା ଧୂଳି l
ହୋଲିରେ ଯେସନ ହୋଲିକା ଜଳି ll
ସେହି ଦିନୁ ରୋଷ ବହି ଶ୍ରୀହରି l
ମେଳଣ ତେଜିଛ ପ୍ରଭୁ କଂସାରୀ ll
ମୋହନ ମୂର୍ତ୍ତି ହେ ନନ୍ଦ ନନ୍ଦନ l
ଗୋକୁଳ ସୁନ୍ଦର କୃପା ନିଧାନ ll
ଯଶୋଦା ଦୁଲାଳ ଯଶ ବିସ୍ତାରି l
ଭଵ ବାରିଧିରୁ କରିବେ ପାରି ll
ତାଙ୍କ ପଦେ ଧ୍ୟାନ ଲଗାଅ ନରେ l
କୈବର୍ତ୍ତ ସେ ପ୍ରଭୁ ଭଵସାଗରେ ll
🙏🙏🙏
ଅର୍ଜୁନୀ
————-
ଅର୍ଜୁନୀ ଚରଣ ବେହେରା
ପଥର ପଡ଼ା
ମୋ -7693091971