ମୁମ୍ବାଇ: ରାଷ୍ଟ୍ରବାଦୀ କଂଗ୍ରେସ ପାର୍ଟି ବା ଏନସିପିରୁ ଅଲଗା ହୋଇ ସିନ୍ଦେ ସରକାରରେ ସାମିଲ ହୋଇଥିବା ମନ୍ତ୍ରୀ ଛଗନ୍ ଭୁଜବଲ୍ ଦାବି କରିଛନ୍ତି ଯେ ସେ ନଭେମ୍ବର ୧୬ରେ ମହାରାଷ୍ଟ୍ର କ୍ୟାବିନେଟରୁ ଇସ୍ତଫା ଦେଇଛନ୍ତି, କିନ୍ତୁ ଏହି ତଥ୍ୟକୁ ଗୁପ୍ତ ରଖିଥିଲେ । ଅହମ୍ମଦନଗରରେ ସେ କହିଛନ୍ତି ଯେ ସେ ଖାଦ୍ୟ ଓ ଯୋଗାଣ ମନ୍ତ୍ରୀ ପଦରୁ ଇସ୍ତଫା ଦୁଇ ମାସ ପୂର୍ବେ ମୁଖ୍ୟମନ୍ତ୍ରୀ ଏକନାଥ ସିନ୍ଦେଙ୍କୁ ପଠାଇଥିଲେ । ମରାଠା ସଂରକ୍ଷଣ ପ୍ରସଙ୍ଗରେ ଯେତେବେଳେ ରାଜ୍ୟର ବିଭିନ୍ନ ସ୍ଥାନରେ ବିକ୍ଷୋଭ ପ୍ରଦର୍ଶନ କରାଯାଇଥିଲା, ସେ ଏହା ଉପରେ ନିରବ ରହିବା ଭଲ ବୋଲି ଭାବିଥିଲେ।
ଛଗନ୍ ଭୁଜବଲ୍ କହିଛନ୍ତି ଯେ ସେ ୧୭ ନଭେମ୍ବରରେ ଏକ ନିର୍ଦ୍ଦିଷ୍ଟ ଜନସମାବେଶ ପାଇଁ ଯାଇଥିଲେ ଏବଂ ୧୮ ନଭେମ୍ବରରେ ମୁଖ୍ୟମନ୍ତ୍ରୀ ଏକନାଥ ସିନ୍ଦେ ଉଭୟ ଉପ-ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ୍ ଏବଂ ଅଜିତ ପାୱାରଙ୍କୁ ଡକାଇ ଏହି ବିଷୟରେ ଆଲୋଚନା କରିଥିଲେ।
ସେହି ବୈଠକରେ ଇସ୍ତଫା ପ୍ରତ୍ୟାହାର କରିବାକୁ ଅନୁରୋଧ କରିଥିଲେ, କାରଣ ଏହା ରାଜ୍ୟରେ ରାଜନୈତିକ ଜଟିଳତା ସୃଷ୍ଟି କରିପାରେ। ଛଗନ୍ ଭୁଜବଲ୍ କହିଛନ୍ତି ଏବେ ବି ତାଙ୍କ ଇସ୍ତଫା ପତ୍ର ମୁଖ୍ୟମନ୍ତ୍ରୀଙ୍କ ପାଖରେ ଅଛି | ଅନ୍ୟପଟେ ମହାରାଷ୍ଟ୍ରର ଉପମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ୍ କହିଛନ୍ତି ଯେ ଓବିସି ନେତା ତଥା ରାଜ୍ୟ କ୍ୟାବିନେଟ ମନ୍ତ୍ରୀ ଛଗନ ଭୁଜବଲଙ୍କ ଇସ୍ତଫା ଗ୍ରହଣ କରାଯାଇନାହିଁ | ଫଡନାଭିସ୍ କହିଛନ୍ତି ଯେ କେବଳ ମୁଖ୍ୟମନ୍ତ୍ରୀ ଏକନାଥ ସିନ୍ଦେ ଏହା ଉପରେ ସ୍ପଷ୍ଟୀକରଣ ଦେଇ ପାରିବେ।
Comments are closed.