ବନ୍ଦଇ ଦେବ ଗଣନାଥ

ବନ୍ଦଇ ଦେବ ଗଣନାଥ
=============
ବନ୍ଦଇ ଦେବ ଗଣନାଥ l
ପର୍ବତ ନନ୍ଦିନୀଙ୍କ ସୂତ ll
ବନ୍ଦଇ ଦେବ ଗଣେଶ୍ୱର l
ତାତ ତୁମ୍ଭର ମହେଶ୍ୱର ll
ବନ୍ଦଇ ଦେବ ଗଣପତି l
ପୂଜା ତୋ କରନ୍ତି ବିଦ୍ୟାର୍ଥୀ ll
ବନ୍ଦଇ ଦେବ ଏକଦନ୍ତ l
ଦାନ୍ତ ଭାଙ୍ଗିଲେ ବୁଧ ତାତ ll
ବନ୍ଦଇ ଦେବ ବିଘ୍ନରାଜ l
ଦେବଙ୍କ ମଧ୍ୟେ ଅଗ୍ରପୂଜ୍ୟ ll
ବନ୍ଦଇ ପୃଥୁଳ ଶରୀର l
ବାହନ ତୋହର ଇନ୍ଦୁର ll
ବନ୍ଦଇ ପ୍ରଭୁ ବିଦ୍ୟାଦାତା l
ବନ୍ଦଇ ସର୍ବଶାସ୍ତ୍ର ଜ୍ଞାତା ll
ବନ୍ଦଇ ଦେବ ଗଜାନନ l
ସୁନ୍ଦର ସିନ୍ଦୁର ବଦନ ll
ବନ୍ଦଇ ଦେବ ଲମ୍ବୋଦର l
ପାଶ ଅଙ୍କୁଶ ବେନି କର ll
ବନ୍ଦଇ ବିଦ୍ୟା ବାଚସ୍ପତି l
ବିଦ୍ୟା ଆରମ୍ଭେ ତୋର ସ୍ତୁତି ll
ବନ୍ଦଇ ସିଦ୍ଧି ବିନାୟକ l
ସବୁରି ସିଦ୍ଧି ପ୍ରଦାୟକ ll
ବନ୍ଦଇ ଦେବଙ୍କର ନାହା l
ମୋଦକ ହସ୍ତ ଚୋଉବାହା ll
ବନ୍ଦଇ ବିଦ୍ୟାର ବାରିଧି l
ବନ୍ଦନେ ତୋର ସ୍ଥିର ବୁଦ୍ଧି ll
ବନ୍ଦଇ ଦେବ ଗଣେଶ୍ୱର l
ଗଣେଶ ଗଣଙ୍କ ଈଶ୍ୱର ll
ବନ୍ଦଇ ପ୍ରଭୁ ଗଜାନନ l
ହର ମୋ ଅବିଦ୍ୟା ଅଜ୍ଞାନ ll
ବନ୍ଦଇ ହେ ଦେବ ବିଘ୍ନେଶ l
ବିଜ୍ଞାନେ ହର ମୋ କଳୁଷ ll
ବନ୍ଦଇ ଜଗତ ବନ୍ଦନ l
ହୀନ ଅଜ୍ଞାନ ଅକିଞ୍ଚନ ll
ରିଦ୍ଧି ସିଦ୍ଧିଙ୍କ ପ୍ରାଣପତି l
ପ୍ରଭାତେ ଘେନ ମୋ ପ୍ରଣତି ll
🙏🙏🙏
ଅର୍ଜୁନୀ
————–
ଅର୍ଜୁନୀ ଚରଣ ବେହେରା
ମୋ – ୭୬୯୩୦୯୧୯୭୧