ଜନ୍ମଦିନରେ ପ୍ରାର୍ଥନା

ଜନ୍ମଦିନରେ ପ୍ରାର୍ଥନା
============
ଜୟ ଜୟ ଜଗନ୍ନାଥ ହେ ପ୍ରଭୁ ବିଶ୍ୱ କାରଣ l
ଚିରଧ୍ୟେୟ ପ୍ରଭୁ ଜନମଦିନେ ପ୍ରଣାମ ଘେନ ll
ଧନ୍ୟଧନ୍ୟ ପ୍ରଭୁ ଧନ୍ୟ ହେ ତୁମ୍ଭ ମାୟାସଂସାର l
ପିତା ମାତା ଭାଈ ଭଉଣୀ ପୁଣି ସଖା ସୋଦର ll
ପତ୍ନୀ,ପୁତ୍ର,କନ୍ୟା ମଧ୍ୟରେ ପ୍ରଭୁ ସଂସାରେ ଛନ୍ଦି l
ଡାକିବାକୁ ତୋତେ ସମୟ କାହିଁ ଦେଇଛୁ ବାନ୍ଧି ll
ମାଆ ବାଳକାଳେ ମତେଟି ଏହା ଥିଲେ ଶିଖାଇ l
ଶ୍ରୀଜଗନ୍ନାଥଙ୍କ ନାମକୁ କେଭେଁ ଭୁଲିବୁ ନାହିଁ ll
ବାପା କହିଥିଲେ ବାବୁରେ ମନେ ରଖିବୁ ଭଲେ l
ଧର୍ମ ହୁଡ଼ିବୁନି କଷ୍ଟେ ବା ଅବା ଜୀବନ ଗଲେ ll
ତୁମ୍ଭ ନାମ ଧରି ପାଳିଛି ପିତା ମାତା ମନ୍ତର l
ଯଥାସାଧ୍ୟ ମୂଢ଼ବୁଦ୍ଧିରେ ଖାଲି କିଛି ମାତର ll
ବିଦ୍ୟା ପଢ଼ିଲି ମୁଁ ବିଦ୍ୟାର ମହତ୍ତ୍ୱକୁ ନ ଜାଣେ l
ତୁମ୍ଭ କରୁଣାରୁ ବିଦ୍ୟା ମୁଁ ସାଧି ହୋଇଲି ଜଣେ ll
ଚାହୁଁ ଚାହୁଁ ଆସି ହୋଇଛି ଏବେ ଜୀବନ ସନ୍ଧ୍ୟା l
କୃପା କଟାକ୍ଷରୁ ଜୀବନେ କିଛି ରହିନି ଅଧା ll
ପଂଷଠି ବରଷ କଟିଛି ଜୀବନର ସଂଗ୍ରାମେ l
ତୁମ୍ଭ କରୁଣାରୁ ପଡ଼ିନି କେବେ ଜୀବନେ ଭ୍ରମେ ll
ଦୋଷାଦୋଷ ଯାହା କରିଛି ଭ୍ରମି ମାୟାସଂସାର l
କ୍ଷମା ଗୁଣେ କ୍ଷମା କରିବ ଭିକ୍ଷା କ୍ଷମା ସାଗର ll
ଏତିକି ମିନତି ଆଜ ହେ ପ୍ରଭୁ ଦୟା ସାଗର l
ତୁମ୍ଭ ପାଦପଦ୍ମେ ଭକତି ରହୁ ମୋ ନିରନ୍ତର ll
ସତ୍ସଙ୍ଗେ ସଂପ୍ରୀତି ସର୍ବଦା ରହୁ ମୋର ସତତ l
ଅନ୍ତର୍ଯ୍ୟାମୀ ବିଶ୍ଵ ଜୀବନ ଆହେ ବିଶ୍ୱ ସମ୍ରାଟ ll
🙏🙏🙏
ଅର୍ଜୁନୀ
—————-
ଅର୍ଜୁନୀ ଚରଣ ବେହେରା
ମୋ-୭୬୯୩୦୯୧୯୭୧