ଚେନ୍ନଇ : ଅଭିନେତାରୁ ରାଜନେତା ପାଲଟିଥିବା ବିଜୟ ଶପଥ ନେବାର ଗୋଟିଏ ଦିନ ପରେ ତଥା ସୋମବାର ଡିଏମକେ ସୁପ୍ରିମୋ ଏମକେ ଷ୍ଟାଲିନଙ୍କ ପୁଅ ଉଦୟନିଧି ଷ୍ଟାଲିନଙ୍କ ସହ ସାକ୍ଷାତ କରିଛନ୍ତି। ଯାହାକି ତାମିଲନାଡୁ ରାଜନୀତି ସରଗରମ ହେବାର ଲାଗିଛି। ଷ୍ଟାଲିନ ବିଜୟଙ୍କୁ ତାଙ୍କ ଚେନ୍ନାଇ ବାସଭବନରେ ସ୍ୱାଗତ କରିଛନ୍ତି। ଯେଉଁଠାରେ ଦୁଇ ନେତା ପରସ୍ପରକୁ ଶୁଭେଚ୍ଛା ଜଣାଇବା ସହିତ ପରସ୍ପରକୁ ଆଲିଙ୍ଗନ କରିଛନ୍ତି। ଉଭୟନେତାଙ୍କ ଭିତରେ ଏକ ବୈଠକ ଅନୁଷ୍ଠିତ ହୋଇଥିଲା।ବୈଠକର ଦୃଶ୍ୟରେ ବିଜୟ କଳା ସୁଟ୍ ପିନ୍ଧି ଡିଏମକେ ମୁଖ୍ୟଙ୍କୁ ହାତ ଯୋଡି ସ୍ୱାଗତ କରୁଥିବାର ଦେଖାଯାଇଛି। ବିଜୟ ମୁଖ୍ୟମନ୍ତ୍ରୀ ଭାବରେ ଦାୟିତ୍ୱ ଗ୍ରହଣ କରିବା ପରେ ଷ୍ଟାଲିନଙ୍କ ସହ ଏହି ସାକ୍ଷାତ ବିଜୟଙ୍କର ପ୍ରଥମ ଆଲୋଚନା ଥିଲା। ବୈଠକ ସମୟରେ, ବିଜୟ ଏବଂ ଷ୍ଟାଲିନ ପାରସ୍ପରିକ ସମ୍ମାନର ପ୍ରତୀକ ଭାବରେ ରେଶମ ଶାଲ ଏବଂ ପୁଷ୍ପଗୁଚ୍ଛ ମଧ୍ୟ ଆଦାନପ୍ରଦାନ କରିଥିଲେ। ଏହି ଭେଟଘାଟକୁ ନେଇ ତାମିଲନାଡୁରେ ରାଜନୀତିକ ହଲଚଲ ଦେଖିବାକୁ ମିଳିଥିବା ଏହି ଗସ୍ତକୁ “ସୌଜନ୍ୟ ସାକ୍ଷାତ” ବୋଲି ଷ୍ଟାଲିନ କହି ଚର୍ଚ୍ଚା ଆଲୋଚନାର ପୁର୍ଣ୍ଣଚ୍ଛେଦ ପକାଇଛନ୍ତି।ଭେଟଘାଟ ପରେ ଡିଏମକେ ମୁଖ୍ୟ ଏକ୍ସ ଲେଖିଛନ୍ତି ଯେ, ସେ ସାକ୍ଷାତ ସମୟରେ ବିଜୟଙ୍କୁ ଅଭିନନ୍ଦନ ଜଣାଇଛନ୍ତି ଏବଂ ନବନିଯୁକ୍ତ ମୁଖ୍ୟମନ୍ତ୍ରୀଙ୍କୁ କିଛି ପରାମର୍ଶ ମଧ୍ୟ ଦେଇଥିଲେ। ବିଜୟ ଯିଏକି ତାମିଲନାଡୁର ମୁଖ୍ୟମନ୍ତ୍ରୀ ଦାୟିତ୍ୱ ଗ୍ରହଣ କରିଛନ୍ତି, ସେ ମୋତେ ରାଜନୈତିକ ସୌଜନ୍ୟର ସହିତ ଭେଟି ମୋର ଶୁଭେଚ୍ଛା ଗ୍ରହଣ କରିଥିଲେ। ମୁଁ ତାଙ୍କୁ ମୋର ହୃଦୟର ଅଭିନନ୍ଦନ ଏବଂ ମୋର ପରାମର୍ଶ ପ୍ରଦାନ କରିଥିଲି,” ଷ୍ଟାଲିନ କହିଛନ୍ତି। ଷ୍ଟାଲିନ ଏବଂ ଉଦୟନିଧିଙ୍କ ସହ ବିଜୟଙ୍କ ସଂକ୍ଷିପ୍ତ ଆଲୋଚନା ତାମିଲନାଡୁ ବିଧାନସଭାରେ ଗୁରୁତ୍ୱପୂର୍ଣ୍ଣ ଫ୍ଲୋର ଟେଷ୍ଟର କିଛି ଦିନ ପୂର୍ବରୁ ହୋଇଥିଲା
Comments are closed.